2018 жылғы 27 мамырда Ақмола облысының мемлекеттiк архивiнде аймақтық ғылыми-тәжiрибелiк «Өлке тарихы архив құжаттарында» ғылыми-тәжiрибелiк конференция өттi.
Ғылыми-тәжiрибелiк конференцияға жоғарғы оқу орындарының профессорлық-оқытушы құрамы, архивтiк қызмет мамандары, тарих пәнiнiң мұғалiмдерi, Көкшетау қаласы орта мектептерiнiң оқушылары, Назарбаев Зияткерлiк мектебiнiң оқушылары шақырылды.
Конференцияның негiзгi мақсаттары: оқушылардың патриоттық сезiмдерiн ояту және Отанға деген сүйiспеншiлiктi қалыптастыру. Оқушылардың тарихи бiлiмдерiн, тарихи-мәдени мұраларды зерттеу мен қорғау бойынша қызығушылықтарын дамыту.
Конференция қорытындысы бойынша марапаттау рәсiмi өттi, үздiк ғылыми-зерттеу жұмыстарының иегерлерi алғыс хаттармен марапатталды. Конференция материалдары бойынша «Жас зерттеушi» клубының мүшелерiнiң жұмыстары баспа жинақтарында басылуы жоспарлануда.