2019 жылғы 21 қараша айында облыстық мемлекеттiк архивтiң мамандары «Архивтiк анықтамаларды, архив құжаттарының көшiрмелерiн немесе архивтiк анықтамаларды беру» мемлекеттiк қызметiн көрсету сапасын жақсарту мақсатында «Облыстық мемлекеттiк архив пен Мемлекеттiк корпорацияның «электрондық үкiметтiң «www.egov.kz веб-порталында өзара әрекеттесуi» тақырыбында семинар өткiздi.
Семинар «Азаматтарға арналған үкiмет» мемлекеттiк корпорациясы КЕ АҚ бөлiмiнде Ақмола облысының Красный Яр ауылында өткiзiлдi. Құжаттарды пайдалану және беру бөлiмiнiң бастығы Н.Исенова электронды қызметтердiң танымалдығы жылдан-жылға артып келе жатқанын, бүгiнде олар облыстық мемлекеттiк архивке келiп түскен өтiнiштердiң жартысын құрайды деп атап өттi. Бүгiнгi таңда мемлекеттiк қызметтер көрсету сапасына және олардың электронды форматқа толық көшуiне ерекше көңiл бөлiнедi, өйткенi бұл сыбайлас жемқорлыққа қарсы тұрудың және азаматтардың Қазақстан Республикасының мемлекеттiк органдарының қызметiне сенiмiн арттырудың маңызды аспектiсi.
