2018 жылдың 11 маусымда сағат 14.30-да Ақмола облысы мемлекеттiк архивiнде «Рухани жаңғыру» бағдарламасын жүзеге асыру бойынша «Ақмола облысы архив құжаттарында» тұрақты әрекеттегi архив құжаттарының көрмесi өттi. Экскурсия Қызылорда қаласы оқушыларының делегациясы үшiн өткiзiлдi. Iс-шараға қатысушы-тыңдаушылар үшiн экскурсияны ақпараттық-ұйымдастыру бөлiмiнiң архивистi Уалиев Т.А. қазақ тiлiнде өткiздi.
Архивтiк құжаттарда 19 ғасырдан бастап бүгiнгi уақытқа дейiнгi Ақмола облысының тарихы баяндалады. Көрменiң басты мақсаты — архив құжаттарының алуан түрлiлiгiн, олардың бiрегейлiгi мен құндылығын көрсету. Құжаттар мәдени және ғылыми құндылығы бар ақпараттық толымдылығы тұрғысынан iрiктелiп алынған болатын.
Көрме 300-ден аса экспонаттарды бiрiктiрiп, олардың арасында қағаз құжаттары, фотоқұжаттар, карта және кiтаптар бар.
Экспозицияға дереккөз ретiнде Ақмола облысы мемлекеттiк архивiнiң құжаттары, және Көкшетау, Степногорск қалаларының мемлекеттiк архивiнiң, Солтүстiк Қазақстан облысы мемлекеттiк архивiнiң құжаттары, облысы мекемелерi мен ұйымдарының материалдары пайдаланылды.
.
