Педагогикалық қызметкерлер үшін виртуалды экскурсия
Облыстық архивтiң ақпараттық-ұйымдастыру бөлiмi қызметкерлерiмен педагогикалық қызметкерлердiң бiлiктiлiктi арттыру «Өрлеу» Ұлттық орталығының курс тыңдаушылары үшiн «Ақмола облысы архив құжаттарында» атты көрме залы бойынша экскурсия өткiздi.
Курс тыңдаушылары — педагог-психологтар экскурсия жүргiзушiнi мұқият тыңдап, кейiн Ұлы Отан соғысы жылдарында Көкшетауда құрылған дивизиялар, сонымен қатар Тәуелсiздiк кезеңiндегi Ақмола облысының тарихы туралы көптеген сұрақтар қойды. Экскурсия соңында курс тыңдаушылары, Ақмола облысы мемлекеттiк архивiне виртуалды экскурсия өткiзу идеясы үшiн алғыстарын айтып, пiкiрлер кiтабында өздерiнiң жылы лебiздерiн қалдырды.
Мақаланың шыққан күні: 15.11.2019
Қаралым саны: 2486