Облыстық архивтің ақпараттық технологиялар бөлімінің жетекшісі, запастағы капитан Руслан Талғатұлы Хисматуллин 10-20 шілде аралығында әскери жиындарға шақырылды. Бұл жиындар Ақмола облысының аумақтық қорғаныс бригадасының басшы құрамын дайындау үшін ұйымдастырылды.

Жиынның қорытындысы бойынша Руслан Талғатұлы белсенді азаматтық ұстанымы, әскери дайындығының жоғары деңгейі, тактикалық-арнайы оқу-жаттығу барысында көрсеткен адалдығы үшін қала әкімінің грамотасымен және аумақтық қорғаныс бригадасы командирінің алғыс хатымен марапатталды.