АҚМОЛА ОБЛЫСЫ ЦИФРЛАНДЫРУ ЖӘНЕ АРХИВТЕР БАСҚАРМАСЫНЫҢ «АҚМОЛА ОБЛЫСЫНЫҢ МЕМЛЕКЕТТІК АРХИВІ» КОММУНАЛДЫҚ МЕМЛЕКЕТТІК МЕКЕМЕСІ |
Облыстық архивтiң ақпараттық-ұйымдастыру бөлiмiнiң қызметкерлерi Г.Қ. Рамазанова және Ә.Қ. Алдибекова «Ақмола облысы архив құжаттарында» атты көрме бойынша Көкшетау қаласы «Қазақстан Республикасы Ұлттық Ұланның 5510 әскери бөлiмi» сарбаздары үшiн виртуалды экскурсия өткiздi.
Қазақстанның алуан аймақтарынан әскери борышын өтеуге шақыртылған сарбаздар бiздiң аймақтың елеулi азаматтары мен тарихы туралы экскурсияны үлкен қызығушылықпен тыңдады. Ұлы Отан соғысы кезiнде Көкшетауда құрылған дивизиялар, Ақмола және Көкшетау облысының басшылары туралы сұрақтар көптеп қойды. Әсiресе сарбаздарға Тәуелсiздiк кезеңiндегi Ақмола облысының тарихы қызықтырды.
Экскурсия соңында әскери бөлiм офицерлерi мен сарбаздары архив қызметкерлерiне өз алғыстарын бiлдiрiп, осындай жыңашыл виртуалды экскурсияны өткiзу, көрмемен танысудың жақсы идеясын атап өттi.