Ақмола облысы мемлекеттік архивінің ведомстволық архивтерін бақылау бөлімінің қызметкерлері 2023 жылдың 26 желтоқсанында Қазақстан Республикасы Экология және табиғи ресурстар министрлігінің "Қазгидромет" ШЖҚ РМК Ақмола облысы бойынша филиалында "Тұрақты сақтау құжаттарына, жеке құрам бойынша құжаттарға ғылыми-техникалық өңдеу жүргізу. Істерді қалыптастыру және ресімдеу. Сақтауға жатпайтын құжаттарды жоюға бөлу туралы акт жасау" тақырыбында слайд көрсете отырып, семинар өткізді.
Семинарға "Қазгидромет" ШЖҚ РМК Ақмола облысы бойынша филиалының мамандары қатысты.
Семинарды өткізу барысында Қазақстан Республикасының Мәдениет және спорт министрінің 2023 жылғы 25 тамыздағы № 236 бұйрығымен бекітілген мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларына қатысты бірқатар маңызды мәселелер талқыланды.
Бөлім қызметкерлері қойылған сұрақтарға қанағаттанарлықтай жауаптар берді. Барлығы 15 адам қатысты.
