Ақмола облысының мемлекеттiк архивiнде «Рухани жаңғыру» бағдарламасын және «Ақмола облысы архив құжаттарында» жобасын жүзеге асыру аясында Көкшетау қаласының мектептерiнiң тарих пәнiне қызығушылық танытатын оқушыларынан «Жас зерттеушi» клубы құрылды.

2019 жылдың 31 қаңтарында облыстық мемлекеттiк архивте «Жас зерттеушi клубының мүшелерiнiң «Отан отбасынан басталады» атты зерттеу жұмыстарының таныстырылымы өттi. Отанға деген сүйiспеншiлiк, отбасынан басталады.

Оқушылар iс-шараға ерекше дайындықпен келiптi: олар өз отбасыларының генеалогиясын және тарихын мұқият зерттеп, жеке-жеке «Шежiре» ұсынды.