Дөңгелек үстел
2023 жылғы 13 сәуірде Ақмола облысының мемлекеттік архивінде «Жас зерттеуші» клубының мүшелерімен «Тарих беттерін парақтасақ» тақырыбында дөңгелек үстел өтті. Клуб кураторы А. К. Алдибекова кіріспе сөз сөйледі. Аталмыш іс-шараға Г.К. Шамганова, директордың орынбасары, Д. С. Бегайдарова, ақпараттық-ұйымдастыру бөлімінің жетекшісі, К. Ж. Узакпаева, облыстық архив маманы қатысты. Жас зерттеушілер жазған мақалалары бойынша баяндама жасады. Мақалалар архивтік құжаттар негізінде дайындалды. Оқушылар алғыс хаттармен және грамоталармен марапатталды.
Іс-шара соңында А.К. Алдибекова «Жас зерттеуші» клубының мүшелеріне Бұқар жырау Қалқаманұлының 355 жылдығына орай «Өз дәуірінің кемеңгер ойшылы» тақырыбында слайдтар көрсетілімімен тарих сабағын өткізді.
