Ш. Ш. Уалиханов атындағы тарих және этнология институтының ұйымдастыруымен «ХХ ғасырдың 20-30 жылдардағы Кеңестік Қазақстандағы шаруалар көтерілістері» атты онлайн форматта дөңгелек үстел өтті.

Дөңгелек үстелде 20-30 жылдардағы Қазақстандағы шаруалар қарсыласуының сипаты, негізігі себептері, барысы, ерекшеліктері мен салдары талқыланды. Шаруалар бас көтерулерінің тарихнамасы мен зерттеу әдістемесі мәселелері де назардан тыс қалмады.

Дөңгелек үстелге Қазақстан тарихының ХХ ғасырдың 20-30 жылдары бойынша маман тарихшылар Қ.С Алдажуманов, Л. Гривенная, О.М. Қоңыратбаев, С.Қ. Шілдебай және Ақмола облысының мемлекеттік архивінің ақпараттық-ұйымдастыру бөлімінің жетекшісі Д.С. Бегайдарова және басқа ғалымдар қатысты.