30 мамыр күнi Достық үйiнде Қазақстандағы саяси қуғын-сүргiн және ашаршылық құрбандарын еске алу күнiне орай «ТАРИХТАН ТАҒЫЛЫМ — ӨТКЕНГЕ ТАҒЗЫМ» атты ғылыми-тәжiрибелiк конференция өттi.
Конференцияға Л.Н.Гумилев атындағы Еуразия ұлттық университетiнiң профессоры, тарих ғылымдарының докторы Мұсағалиева А.С, Ш.Уәлиханов атындағы Көкшетау мемлекеттiк университетiнiң Отандық тарих және «Рухани жаңғыру» кафедрасының докторанты, аға оқытушы Шәпкенов А.Ә., «Рух –Алдаспан» қоғамдық қорының төрағасы, ақын Тоқсанбай М.К. қатыстып баяндама жасады.
Ақмола облысы мемлекеттiк архивi аталмыш конференцияға 1920-1950 жылдарды қамтитын құжаттар фотокөрмесiн ұсынды, онда облыстық архив қорындағы материалдар мен фото суреттер қойылды. Конференцияға қатысушылар көрмеге үлкен қызығушылық танытты.
