Ақпараттық-ұйымдастыру бөлiмiнiң архивисi Асем Койшыбаевна Алдибекова және археограф Гульмира Кайдаровна Касимова 1 наурыз Алғыс айту күнi Мәлiк Ғабдуллин атындағы № 3 көптiлде оқытатын кәсiби мектеп-гимназиясында тарих сабағын өткiздi. Сабақ барысында оқушыларға аталған мерекенiң шығу тарихы жайында баяндалып, слайд көрсетiлдi. Соңында Асем Койшыбаевна «рахмет» деп жиi айтудың қаншалықты маңызды екенiн айтты. Өмiрдiң әр сәтiн бағалай бiлудi және мейiрiмдi күн үшiн, көңiлдi жаңбыр мен ақ қар үшiн, жұмсақ ақ матаның бұлты үшiн, жақын адамдарға мейiрiмдiлiк пен риясыз сүйiспеншiлiк үшiн ана табиғатына алғыс айтуды ұмытпауларын атап өттi.