Ашылуда аудан әкiмiнiң орынбасары Шахпұтова Жанар Қазкенқызы және мемлекеттiк архив директоры Аманжолова Зәуре өз сөздерiнде, осы жобалардың басты мақсаты –архив құжаттарының көпсалалығы, олардың тиiмдiлiгi мен құндылығын көрсету, тұрғындарының туған өлкелерi жөнiндегi даму тарихынан құлағдар болу, бүгiнгi таңның болашағына бар күшiн салған, ол үшiн еңбектенген адамдарды танып бiлу екендiгiн атап өттi.
Көрмеге келгендер 19 роллаптан тұратын материалдармен танысты. Олардың әрқайсысы Ақмола облысының 1991 жылдан бастап қазiргi уақытқа дейiнгi аймақтардың даму тарихымен таныстырады. Жылжымалы көрмеге аудан әкiмiнiң аппараты, аудандық мәслихат, ауылдық округ әкiмдерi, аудандық ұйым басшылары мен мамандары, қорғаныс органдарының қызметкерi, сот қызметкерлерi, мемлекеттiк қызметшiлер, аудан тұрғындары, №1, №2 орта мектеп оқушылары мен мұғалiмдерi, №6 агротехникалық колледж студенттерi қатысты.
Iс-шарға қатысқандар көрме ұйымдастырушыларына жақсы тiлектерi мен жылы лебiздерiн пiкiрлер кiтабына жазып кеттi.
